ગુજરાત રાજ્યમાં ધોરણ 10 અને ધોરણ 12 બોર્ડ પરીક્ષાના પરિણામોને લઈને આતુરતા ચરમસીમાએ પહોંચી છે. ફેબ્રુઆરી-માર્ચ 2026 દરમિયાન લેવામાં આવેલી પરીક્ષાઓ બાદ હવે પરિણામ જાહેર કરવાની પ્રક્રિયા પૂર્ણતાની નજીક છે.શિક્ષણ વિભાગના અધિકારીઓના જણાવ્યા મુજબ, મે મહિનાના પ્રથમ પખવાડિયામાં પરિણામો જાહેર કરવાની તમામ તૈયારીઓ પૂર્ણ કરી દેવામાં આવી છે. વિજ્ઞાન પ્રવાહ તેમજ સામાન્ય પ્રવાહના પરિણામો તબક્કાવાર જાહેર થશે.પરિણામોની જાહેરાત પહેલાં બોર્ડ દ્વારા માર્કશીટ તૈયાર કરવાની અને ટેક્નિકલ ચકાસણીની કામગીરી તેજ ગતિએ ચાલી રહી છે. વિદ્યાર્થીઓ અને વાલીઓમાં પરિણામોને લઈને ઉત્સાહ સાથે થોડો તણાવ પણ જોવા મળી રહ્યો છે.શિક્ષણ વિભાગ દ્વારા વિદ્યાર્થીઓને શાંતિ જાળવવા અને સત્તાવાર વેબસાઇટ પર જ પરિણામ તપાસવાની સલાહ આપવામાં આવી છે.
