ભચાઉ શહેરમાં Paschim Gujarat Vij Company Limited (PGVCL)ની ગંભીર બેદરકારી સામે આવી રહી છે. છેલ્લા એક મહિનાથી લાઈટના થાંભલાઓમાંથી કડાકા-ભડાકાના અવાજો આવી રહ્યા હોવાની સ્થાનિકોમાં ચર્ચા હતી, છતાં સમયસર કોઈ પગલાં લેવાયા નથી.આજે સ્થિતિ વધુ ગંભીર બની ગઈ જ્યારે રોડ પર લાઈટના થાંભલા પરથી ચાલુ વાયર અચાનક નીચે પડતા લોકોમાં ભયનો માહોલ સર્જાયો હતો. સદનસીબે, તે સમયે રોડ પર કોઈ હાજર ન હોવાથી મોટી જાનહાનિ ટળી હતી.સ્થાનિક લોકોમાં ભારે રોષ જોવા મળી રહ્યો છે અને તેઓએ PGVCL તંત્ર સામે કડક કાર્યવાહી કરવાની માંગ કરી છે. લોકોનો આક્ષેપ છે કે સમયસર મેન્ટેનન્સ અને ચેકિંગ કરવામાં આવતું નથી, જેના કારણે આવું જોખમ સર્જાઈ રહ્યું છે.જો તંત્ર હવે પણ જાગૃત નહીં બને તો ભવિષ્યમાં કોઈ મોટી દુર્ઘટના બનવાની શક્યતા નકારી શકાય નહીં. સ્થાનિકોએ તાત્કાલિક કાર્યવાહી કરીને આવી બેદરકારીને રોકવા માંગ કરી છે.
