ઈલેક્ટ્રોથેર્મ (ઈન્ડિયા) લિમિટેડ. – સામખીયારી કંપનીના મુખ્ય તાલીમ હોલ મધ્યે ટ્રાફિક જાગૃતિ અને સાયબરક્રાઈમ અંગેનું તાલીમ સત્ર યોજાવામા આવ્યું હતું.આ કાર્યક્રમમાં સામખીયારી પોલીસ સ્ટેશનના પી.આઈ. શ્રી વી.કે. ગઢવી સાહેબ, હેડ કોન્સ્ટેબલ શ્રી નરેશભાઈ રાઠવા અને કોન્સ્ટેબલ શ્રી રાજેશકુમાર જોષી ઉપસ્થિત રહ્યા હતા. સત્ર દરમિયાન ટ્રાફિક નિયમો અને માર્ગ સલામતી માટે જરૂરી સૂચનો,
સાયબર ગુનાઓના ધોખા-ધડી અને સુરક્ષિત રહેવાના ઉપાય, વાસ્તવિક ઘટનાઓના ઉદાહરણો દ્વારા સમજાવટ, ગુનાઓ સામે ઝડપથી અને યોગ્ય પ્રતિક્રિયા આપવાની રીતો વગેરે મુદ્દાઓ અંગે માર્ગદર્શન અપાયું હતું. કંપનીના અનેક કર્મચારીઓએ હાજરી આપી, સત્રથી મહત્વપૂર્ણ માહિતી પ્રાપ્ત કરી.
આવી જાગૃતિ પ્રવૃત્તિઓ કંપની દ્વારા ભવિષ્યમાં પણ આયોજન કરવામાં આવશે જેથી કર્મચારીઓ વધુ સજાગ અને સુરક્ષિત રહી શકે. આ મહત્વપૂર્ણ સત્રનું સુસંગત આયોજન જયવિરસિંહ જાડેજા (HR & Admin Head) દ્વારા કરવામાં આવ્યું હતું.
